నిజంగా కలెక్షన్ల డైనోసార్

ప్రభాస్ నటించిన సలార్ పార్ట్ 1 సీజ్ ఫైర్ డిసెంబర్ 22న భారీగా విడుదలైంది. సినిమాకు సూపర్ హిట్ టాక్ వచ్చేసింది. అన్ని ప్రాంతాల్లోనూ ఈ సినిమా మంచి వసూళ్లను రాబట్టింది. ఈ చిత్రం బ్రేక్‌ఈవెన్ మార్క్ కోసం దాదాపు 800 కోట్ల గ్రాస్ వసూలు చేయాల్సి ఉంది. సలార్‌ ప్రపంచవ్యాప్తంగా మొదటిరోజు రూ.178.7 కోట్ల వ‌సూళ్లు రాబట్టింద‌ని మేక‌ర్స్ ప్ర‌క‌టించారు. ఈ క‌లెక్ష‌న్స్‌లో భారత్ లో రూ.135 కోట్లు రాగా.. అడ్వాన్స్ బుకింగ్స్‌ ద్వారానే రూ. 90 కోట్లకు పైగా వసూలు చేసింది. ఈ ఏడాదిలో మొదటిరోజు బిగ్గెస్ట్‌ ఓపెనింగ్స్‌ ఇచ్చిన చిత్రంగా సలార్‌ రికార్డ్‌ క్రియేట్‌ చేసింది. అంతకుముందు ఈ రికార్డు రూ.140 కోట్ల గ్రాస్​తో విజయ్ నటించిన ‘లియో' పేరిట ఉంది. ఇప్పుడు ఆ రికార్డును సలార్ సినిమాతో ప్రభాస్ బద్దలుకొట్టాడు. పృథ్వీరాజ్ సుకుమారన్, శృతి హసన్ కీలక పాత్రలు పోషించారు. సలార్ సినిమా తొలి భాగం ‘సలార్- సీజ్ ఫైర్’ కాగా.. రెండో భాగం ‘శౌర్యాంగ పర్వం’ అని తెలుస్తోంది.