"యశోద" పై ఆసక్తి పెంచిన టీజర్.. సామ్ నటనకు ఫిదా
ఆమెను ఎవరో చంపడానికి ప్రయత్నించడం.. వాళ్ళ నుంచి సామ్ తప్పించుకోవడం.. విలన్స్ తో పోరాడటం ..
టాలీవుడ్ స్టార్ హీరోయిన్ సమంత నటిస్తున్న తాజా చిత్రం యశోద. లేడీ ఓరియెంటెడ్ కథగా తెరకెక్కుతోన్న ఈ సినిమా త్వరలోనే థియేటర్లలో విడుదల కానుంది. ఇప్పటికే సినిమా నుంచి పోస్టర్స్, గ్లింప్స్ విడుదలయ్యాయి. తాజాగా యశోద నుంచి టీజన్ ను విడుదల చేసింది చిత్ర బృందం. ఈ టీజర్ ను చాలా ఆసక్తి పెంచేలా కట్ చేశారు. టీజర్ లో సమంత గర్భవతిగా కనిపిస్తుంది. గర్భవతిగా ఉన్నపుడు ఏ పనులైతే చేయకూడదని డాక్టర్ చెప్తుందో.. సమంత ఆ పనులే చేస్తుంది.
ఆమెను ఎవరో చంపడానికి ప్రయత్నించడం.. వాళ్ళ నుంచి సామ్ తప్పించుకోవడం.. విలన్స్ తో పోరాడటం ఈ టీజర్ లో చూపించారు. అసలు సమంతకు ఏమైంది.? ఆమెను ఎందుకు చంపాలని ప్రయత్నిస్తున్నారు..? అన్నది తెలియాలంటే సినిమా చూడాలనిపించేలా టీజర్ ను చూపించారు. ఈ చిత్రాన్ని శ్రీదేవీ మూవీస్ బ్యానర్ మీద శివలెంక కృష్ణప్రసాద్ నిర్మిస్తోండగా.. హరి–హరీష్‌ దర్శకత్వం వహిస్తున్నారు.