మరో ట్రయిల్ వేస్తాడా?

ఒకపుడు తెలుగు తమిళంలో సిద్దార్ధ్ కు లవర్ బాయ్ ఇమేజ్ ఉండేది. సిద్దార్ధ్ సినిమాలంటే యూత్ పడి చచ్చిపోయేవాళ్లు. బొమ్మరిల్లు లాంటి సినిమాలో సిద్దార్ద్ నటన సూపర్బ్. ఇక కొన్నాళ్ళు సమంతతో ప్రేమ వ్యవహారంలో హైలెట్ అయిన సిద్దార్థ్ సినిమాల పరంగా చాలా డల్ అయ్యాడు. సిద్దార్థ్ సినిమాలే రావడం తగ్గిపోయి.. ఆటోమాటిక్ గా సిద్దు సినిమాలకు క్రేజ్ పడిపోయింది. సిద్దార్థ్ ఇమేజ్ కూడా డ్రాప్ అయ్యింది. అయితే ఫామ్ కోల్పోయిన సిద్దార్ధ్ మొన్నా మధ్యన గృహం అనే హర్రర్ మూవీ తో మళ్లీ ప్రేక్షకులను ఆకర్షించాడు. ఆ సినిమా తెలుగు తమిళంలోనూ మంచి హిట్ అయ్యింది. ఆ సినిమా తర్వాత జాతీయ విషయాలను ట్విట్టర్ వేదికగా కెలుకుతూ వార్తల్లో ఉన్న సిద్దార్ధ్ మళ్ళీ ఇన్నాళ్లకు మరో సినిమా విషయంలో న్యూస్ లోకొచ్చాడు.

రీేమేక్ సినిమాలో….

అదేమంటే బాలీవుడ్ హిట్ సినిమా అంధధూన్ రీమేక్ లో సిద్దార్థ్ నటిస్తున్నాడంటూ వార్తలొస్తున్నాయి. బాలీవుడ్ లో ఈ ఏడాది లో బడ్జెట్ తో తెరకెక్కి 100 కోట్లను సాధించిన సినిమాగా రికార్డులను సృష్టించడమే కాదు.. బాలీవుడ్ టాప్ 10 హిట్ మూవీస్ లో ఈ అంధధూన్ ఒకటిగా నిలిచింది. ఆయుష్మాన్ ఖురానా, టబు, రాధికా ఆప్టే నటించిన ఈ సినిమా…. విమర్శకుల నుంచి సైతం ప్రశంసలు అందుకుంది. 30 కోట్ల బడ్జెట్ తో నిర్మితమైన ఈ కామెడీ క్రైమ్ థ్రిల్లర్.. దాదాపుగా 110 కోట్లకి పైగా వసూళ్లను రాబట్టింది. అయితే ఈ సినిమాని బాలీవుడ్ నిర్మాతలు తమిళ రీమేక్ రైట్స్ విక్రయించగా.. తమిళ నిర్మాతలు హీరో సిద్దార్థ్ ని హీరోగా పెట్టి సినిమా రీమేక్ ప్లాన్ చేస్తున్నట్లుగా వార్తలొస్తున్నాయి. అయితే ఇంకా సిద్దు నుండి గ్రీన్ సిగ్నల్ రాలేదంటున్నారు.