Sivaji : బిగ్‌బాస్ వాళ్ళు నన్ను పక్కన పెట్టి ప్రశాంత్‌ని విజేత చేశారు..

"బిగ్‌బాస్ వాళ్ళు నన్ను పక్కన పెట్టి ప్రశాంత్‌ని విజేతగా చేశారని పలువురు కామెంట్స్ చేస్తున్నారు. వాటిని నేను నమ్మను. బిగ్‌బాస్ నిర్వాహుకులు ఓటింగు పద్దతిలో ఎలిమినేషన్స్, విన్నర్ ని నిర్ణయిస్తారు. ఆ క్రమంలోనే ఈ సీజన్ కూడా జరిగింది. నిజానికి ప్రశాంత్ ని విజేతగా ప్రకటించినందుకు నేను చాలా సంతోషంగా ఉన్నాను. ఎందుకంటే, తాను ఒక కామన్ మ్యాన్ గా రైతు కుటుంబం నుంచి వచ్చాడు. తను హౌస్ లోకి ఎంట్రీ ఇవ్వగానే.. ఇలాంటి ఒక కామన్ టైటిల్ కొడితే చాలా బాగుంటుంది కదా అని అనుకున్నాను. అదే నిజమైంది. నేను ఒక రైతు కుటుంబం నుంచి వచ్చిన వాడినే, యావర్ కూడా ఒక కామన్ మ్యాన్ గా ఎంట్రీ ఇచ్చిన వాడే. అందుకే మా ముగ్గురికి స్నేహం కుదిరింది. అంతేగాని ఏ గేమ్ ప్లాన్ లేదు" అంటూ చెప్పుకొచ్చాడు.

అలాగే బిగ్‌బాస్ లో తనని సపోర్ట్ చేస్తూ తనకి ఓట్లు వేసిన ఆడియన్స్ కి కృతజ్ఞతలు తెలియజేసాడు. త్వరలోనే అందర్నీ కలుస్తానని చెప్పుకొచ్చాడు. ఇక తనకి సినిమా ఇండస్ట్రీలో మొదటి అవకాశం ఇచ్చిన నాగార్జున.. బిగ్‌బాస్ హోస్టుగా చేస్తూ తాను చేసే తప్పులను చెబుతూ వచ్చినందుకు కూడా థాంక్యూ తెలియజేశాడు. నాగార్జునకు ఎప్పటికి రుణపడే ఉంటాను అని పేర్కొన్నారు. ప్రస్తుతం శివాజీ షేర్ చేసిన వీడియో పోస్ట్ నెట్టింట వైరల్ గా మారింది.