తండ్రి కాబోతున్న స్టార్ డైరెక్టర్.. కంగ్రాట్స్ చెబుతున్న నెటిజన్లు

ఈ మధ్యకాలంలో సినీ సెలబ్రిటీలంతా వరుసగా తల్లిదండ్రులవుతున్నారు. కొందరు కొత్తగా వివాహ జీవితంలోకి అడుగుపెడుతున్నారు. ఇటీవలే హన్సిక, ప్రముఖ దర్శకుడి కుమార్తె నీలిమ పెళ్లిళ్లు చేసుకున్నారు. అలాగే అలీ కుమార్తెకు కూడా ఇటీవలే వివాహమైంది. రెండ్రోజుల క్రితమే రామ్ చరణ్ - ఉపాసన తల్లిదండ్రులు కాబోతున్నారని అనౌన్స్ చేశారు చిరంజీవి. పెళ్లైన పదేళ్లకు ఈ జంట బిడ్డకు జన్మనివ్వబోతుండటంతో.. అందరూ సంతోషం వ్యక్తం చేశారు. తాజాగా మరో స్టార్ డైరెక్టర్ తండ్రి కాబోతున్నట్లు ప్రకటించాడు. ఆ స్టార్ డైరెక్టర్ ఎవరో కాదు తమిళ్ దర్శకుడు అట్లీ కుమార్. అట్లీ అసలు పేరు అరుణ్ కుమార్.