త్రివిక్రమ్ – బన్నీ సినిమాలో హీరోయిన్ ఆమెనే..!

వరుణ్ తేజ్ ముకుందా సినిమాతో తెలుగుతెరకు పరిచయం అయిన పూజా హెగ్డే ఆ తరువాత అసలు కనిపించడం మానేసింది. మళ్లీ చాలా ఏళ్ల తరువాత బన్నీతో డీజేలో నటించింది. లేటెస్ట్ గా అరవింద సమేతలో నటించి అందరి మనసులు దోచుకున్న పూజా ఇప్పుడు ప్రస్తుతం బెల్లంకొండ శ్రీనివాస్ సినిమాతో పాటు మహేష్ సరసన నటించే ఛాన్స్ కొట్టేసింది. మహేష్ తో మహర్షి సినిమాలో నటిస్తున్న పూజాకు త్రివిక్రమ్ నుండి మరో ఆఫర్ వచ్చింది. త్రివిక్రమ్ – అల్లు అర్జున్ కాంబినేషన్ లో వస్తున్న సినిమాలో పూజాని దాదాపు కంఫర్మ్ చేసినట్టు టాక్.

కాంబో రిపీట్ అవుతోంది…

త్రివిక్రమ్ వన్ సైడ్ గా హీరోయిన్ పూజా పేరు సజెస్ట్ చేయడం.. దానికి బన్నీ కూడా ఓకే చెప్పడం రెండూ ఒకేసారి జరిగిపోయాయి. బన్నీ లాంటి స్టార్ హీరో పక్కన షార్ట్ టైమ్ లో హీరోయిన్ ను రిపీట్ చేయడం అరుదుగా జరుగుతుంటుంది. ఇందులో ఈమె పాత్ర చాలా ఇంట్రెస్టింగ్ గా, కొత్తగా ఉంటుందని టాక్. ఏది ఏమైనా పూజాకి తెలుగులో వరుస అవకాశాలు రావడం మాములు విషయం కాదు. పైగా ఈమెకు తెలుగు కూడా అర్ధం అవుతుందని మన డైరెక్టర్స్ ఈమెనే ప్రిఫర్ చేసుకుంటుంటున్నారు.