తెలుగులో ఎవరూ నచ్చలేదా తల్లి?

తెలుగులో సీనియర్ హీరోలైన చిరంజీవి, నాగార్జున, వెంకటేష్ లతో నటించడమే కాదు.. ప్రస్తుత స్టార్ హీరోలైన ఎన్టీఆర్, ప్రభాస్, మహేష్ బాబు లతో తెలుగులో బోలెడన్ని సినిమాలు చేసింది హీరోయిన్ త్రిష. పలు బ్లాక్ బస్టర్ సినిమాల్లో నటించిన త్రిష ఈమధ్యన ఆచార్య సినిమా నుండి తప్పుకుని పెద్ద సెన్సేషన్ క్రియేట్ చేసింది. చిరు లాంటి హీరోకే హ్యాండ్ ఇచ్చిన త్రిష కి ఇప్పుడు తెలుగు హీరోలెవరు అనడం లేదనిపిస్తుంది.

ఎందుకంటే తనకి ఇష్టమైన హీరోల లో ముగ్గురు హీరోలను త్రిష వేరే భాషలనుండే సెలెక్ట్ చేసి షాకిచ్చింది కానీ.. టాలీవుడ్ లో మాత్రం ఏ ఒక్క హీరో పేరు చెప్పలేదు. మరి త్రిషకు తెలుగు హీరోలెవరు టాప్ లెవల్లోనూ, క్రేజీగా కనబడలేదేమో, అందుకే తమిళనాట కమల్ హాసన్ ని, మలయాళంలో మోహన్ లాల్ ని, బాలీవుడ్ నుండి అమీర్ ఖాన్ తన ఆల్ టైం ఫెవరెట్ హీరోస్ అని చెప్పింది కానీ.. తెలుగు హీరోల పేర్లు ఎక్కడా ఎత్తలేదు. మరి త్రిష ని హీరోయిన్ గా టాప్ లెవల్లో కూర్చోబెట్టిన తెలుగు హీరోలంటే త్రిష కి అంత చిన్న చూపా అంటూ టాలీవుడ్ హీరోల అభిమానులు త్రిష ని ట్రోల్ చేస్తున్నారు.