రేపు ఢిల్లీకి రాహుల్ యాత్ర
భారత్ జోడో యాత్ర హర్యానాలోకి ప్రవేశించింది. సోహ్నాలోని ఖేర్లీలాలా నుంచి ప్రారంభమైన యాత్ర రేపు ఢిల్లీకి చేరుకోనుంది
భారత్ జోడో యాత్ర హర్యానాలోకి ప్రవేశించింది. సోహ్నాలోని ఖేర్లీలాలా నుంచి ప్రారంభమైన రాహుల్ యాత్ర రేపు ఢిల్లీకి చేరుకోనుంది. రాహుల్ గాంధీ ప్రస్తుతం 107 రోజుల నుంచి భారత్ జోడో యాత్ర చేస్తున్నారు. తమిళనాడులోని కన్యాకుమారిలో ప్రారంభమైన యాత్ర తమిళనాడు, కేరళ, కర్ణాటక, ఆంధ్రప్రదేశ్, తెలంగాణ, మధ్యప్రదేశ్, రాజస్థాన్ ల మీదుగా హర్యానాకు చేరుకుంది. రేపు ఢిల్లీలో యాత్ర చేపట్టనున్నారు.
ప్రముఖులు పాల్గొనే....
రేపటి యాత్రలో ప్రముఖ సినీనటుడు కమల్ హాసన్ పాల్గొననున్నారు. వారితో పాటు కాంగ్రెస్ పార్టీకి చెందిన సీనియర్ నేతలు, ఎంపీలు కూడా పాల్గొంటారు.అయితే రాహుల్ పాదయాత్ర సందర్భంగా రెండు రోజుల పాటు భారీ వాహనాలను ఫరీదాబాద్ లో నిషేధించారు. ఈరోజు డీఎంకే ఎంపీ కనిమొళితో పాటు తెలంగాణ పీసీసీ చీఫ్ రేవంత్ రెడ్డిలు పాల్గొన్నారు. యాత్రలో రాహుల్ వెంట వేల సంఖ్యలో పార్టీ కార్యకర్తలు, ప్రజలు పాల్గొని మద్దతు తెలుపుతున్నారు.