బీహార్ లో కూలిన మరో వంతెన
బీహార్ లో మరో వంతెన కూలడం రాజకీయంగా చర్చనీయాంశమైంది.
బీహార్ లో మరో వంతెన కూలడం రాజకీయంగా చర్చనీయాంశమైంది. ఇటీవల కాలంలో వరసగా వంతెనలు కూలిపోతుండటంతో నాసిరకం నిర్మాణాలు చేపట్టినందునే వంతెనలు కూలిపోతున్నాయని విపక్షాలు ఆరోపిస్తున్నాయి. తాజాగా ఖగారియాలోని అగువానీ - సుల్తగంజ్ మధ్య గంగానదిపై నిర్మిస్తున్న నాలులేన్ల వంతెన పిల్లర్ స్లాబ్ నిర్మాణం కూలిపోవడం విమర్శలకు దారి తీసింది.
నిర్మాణంలో...
నిర్మాణంలో లోపాలు వంతెన కూలిపోవడానికి కారణాలుగా చెబుతున్నారు. దీనిపై బీహార్ ప్రభుత్వం విచారణకు ఆదేశించింది. ఎస్పీ సింగ్లా కంపెనీ దీనిని నిర్మిస్తుంది. ఈ వంతెన ఖగారియా, భాగల్‌పూర్ జిల్లాలను కలుపుతూ నిర్మిస్తున్నారు. దీనికి బాధ్యులైన వారిపై చర్యలు తీసుకోవాలని విపక్షాలు డిమాండ్ చేస్తున్నాయి.