బిల్లుకు మేం మద్దతు : సోనియా

వంటిల్లు నుంచి ప్రపంచ వేదికల వరకూ మహిళల పాత్ర ఎంతో కీలకమైనదని సోనియా గాంధీ అన్నారు. స్థానికసంస్థల్లో మహిళలకు రిజర్వేషన్లను రాజీవ్ గాంధీ కల్పించారని గుర్తు చేశారు. మహిళలు వారి స్వార్థం గురించి ఏనాడూ ఆలోచించరన్న సోనియా గాంధీ స్త్రీల త్యాగాలు ఎనలేనివని అన్నారు. సరోజినీ నాయుడు, సుజేత కృపాలని, ఇందిర గాంధీ, అరుణ అసఫ్ ఆలి, విజయలక్ష్మి పండిట్ వంటి వారు ఎంతో సేవలందించారని గుర్తు చేశారు. మహిళ రిజర్వేషన్ల బిల్లుకు తమ పూర్తి మద్దతు ఉంటుందని సోనియా గాంధీ స్పష్టం చేశారు.