20 కోట్లు ఇవ్వాలట.. ముకేష్ అంబానీకి బెదిరింపులు

రిలయన్స్ ఇండస్ట్రీస్ చైర్మన్ ముఖేష్ అంబానీకి బెదిరింపు ఈమెయిల్ వచ్చింది. 20 కోట్లు చెల్లించకపోతే చంపేస్తానని బెదిరిస్తూ ఇమెయిల్ పంపారు. ముకేష్ అంబానీకి శుక్రవారం నాడు ఈ బెదిరింపు లేఖ వచ్చింది. తమకు రూ.20 కోట్లు ఇవ్వాలని అందులో డిమాండ్ చేశారు. తాము అడిగిన డబ్బులు ఇవ్వకుంటే చంపేస్తామని బెదిరించారు. దేశంలోనే మంచి షూటర్లు తమ దగ్గర ఉన్నారని హెచ్చరించారు. షాదాబ్ ఖాన్ పేరుతో దుండగులు అంబానీకి ఈమెయిల్ చేశారు. దీనిపై ముకేష్ వ్యక్తిగత సిబ్బంది ఫిర్యాదు చేయడంతో పోలీసులు ఎఫ్ఐఆర్ నమోదు చేసి, విచారణ చేపట్టారు. ఐపీసీ సెక్షన్ 387, 506 (2) కింద కేసు నమోదు చేసుకున్నట్లు వివరించారు. ముందు జాగ్రత్త చర్యల్లో భాగంగా ముకేష్ అంబానీ ఇళ్లు ఆంటాలియా వద్ద సెక్యూరిటీని మరింత పెంచారు.