ఐటీ సోదాలపై ఉద్యోగులకు లేఖలు పంపిన బీబీసీ..

తాజాగా పంపిన లేఖల్లో.. కార్యాలయంలో ఐటీ సోదాలు జరుగుతున్న నేపథ్యంలో వారికి సహకరించాలని సూచించింది. ఉద్యోగులు తమ జీతాలకు సంబంధించిన వివరాలు అడిగితే ఎలాంటి సందేహం లేకుండా చెప్పాలని తెలిపింది. అయితే.. వ్యక్తిగత ఆదాయ వివరాలను చెప్పాల్సిన అవసరం లేదని బీబీసీ తమ ఉద్యోగులకు సూచించినట్లు తెలుస్తోంది. సదరు సంస్థ పన్ను ఎగవేతకు పాల్పడిందన్న అనుమానంతోనే సర్వే చేస్తున్నట్లు ఐటీ అధికారులు మంగళవారం వెల్లడించారు. పన్నుల విషయంలో సందేహాలు ఉండటంతో.. వాటి నివృత్తికై బీబీసీ అకౌంట్స్ బుక్స్, బ్యాలెన్స్ షీట్ తదితరాలను తనిఖీ చేస్తున్నట్లు అధికారులు తెలిపారు.