IPL 2025 : ఎట్టకేలకు చెన్నైకు విజయం.. ఇక పుంజుకునేనా?

తొలుత బ్యాటింగ్ చేసిన లక్నో సూపర్ జెయింట్స్ ను చెన్నై సూపర్ కింగ్స్ ఎక్కువ పరుగులు చేయకుండా కొంత అడ్డుకోగలిగింది. లక్నో సూపర్ జెయింట్్ లో మార్ క్రమ్ ఆరు పరుగులకే అవుటయ్యాడు. 30 పరుగులు చేసి ఊపుమీదున్న మార్ష్ ను జడేజా వెనక్కు పంపాడు. సిక్సర్లు, ఫోర్లతో రెచ్చిపోయే పూరన్ కూడా ఎనిమిది పరుగులుకే అవుటయ్యాడు. పంత్ మాత్రమే కెప్టెన్ ఇన్నింగ్స్ ఆడాడు. 62 పరుగులు చేయగలిగాడు. బదోని మూడు సార్లు అవుట్ నుంచి బబయటపడి చివరకు థోని చేతికి దొరికపోయాడు. సమద్ ఇరవై పరుగులు చేశాడు. మొత్తం లక్నో సూపర్ జెయింట్స్ ఇరవై ఓవర్లలో ఏడు వికెట్లు కోల్పోయి 166 పరుగులు మాత్రమే చేసింది.

అయితే గత మ్యాచ్ లు చూసిన వారందరికీ చెన్నై సూపర్ కింగ్స్ కు ఇది అతి పెద్ద స్కోరుగానే కనిపించింది. ఛేదనలో ఈ స్కోరును అధిగమిస్తుందా? లేదా? అన్న సందేహం ప్రతి ఒక్కరిలోనూ కనిపించింది. అనుకున్నట్లుగానే రషీద్ 27 పరుగులు చేసి అవుటయ్యాడు. రచిన్ రవీంద్ర 37 పరుగులు చేసి వెనుదిరిగి నిరాశపర్చాడు. రాహుల్ త్రిపాఠి కూడా తొమ్మిదిపరుగులు చేసి అవుట్ కావడంతో చెన్నై సూపర్ కింగ్స్ లో ఏమాత్రం మార్పు రాలేదని అనిపించింది. అయితే శివమ్ దూబె నాటౌట్ గా నిలిచి 43 పరుగులు, ధోని నాటౌట్ గా ఉండి 26 పరుగులు చేయడంతో చెన్నై సూపర్ కింగ్స్ కు ఈ సీజన్ లో రెండో విజయం లభించినట్లయింది. చెన్నై సూపర్ కింగ్స్ మొత్తం19.3 ఓవర్లకు ఐదు వికెట్లు కోల్పోయి 168 పరుగులు చేసి విజయం సాధించింది. పరవాలేదనిపించింది.