ICC T20 ప్రపంచ కప్ ఫైనల్: ఇంగ్లండ్ వర్సెస్ పాకిస్తాన్ లైవ్ చూడాలంటే..!

ICC పురుషుల T20 ప్రపంచ కప్ 2022 ఫైనల్ నవంబర్ 13, ఆదివారం జరగనుంది. ఇంగ్లండ్, పాకిస్తాన్ జట్లు మెల్‌బోర్న్ క్రికెట్ గ్రౌండ్ (MCG) వేదికగా తలపడనున్నాయి. నవంబర్ 9 బుధవారం జరిగిన సెమీ ఫైనల్ 1 మ్యాచ్‌లో న్యూజిలాండ్‌ను ఓడించి పాక్ ఫైనల్‌లోకి ప్రవేశించింది. రెండో సెమీ ఫైనల్ లో భారత్ ను ఇంగ్లండ్ చిత్తు చేసి విజేతగా నిలిచింది. Weather.com సూచన ప్రకారం ఆదివారం ఆస్ట్రేలియా విక్టోరియాలోని మెల్‌బోర్న్‌లో 80% ఉరుములతో కూడిన వర్షం పడే అవకాశం ఉంది. 75% తేమ ఉంటుంది, గాలి వేగం గంటకు 19 కి.మీ. ఉండనుంది. మెల్‌బోర్న్‌లో గరిష్టంగా 24 డిగ్రీల సెల్సియస్, కనిష్ట ఉష్ణోగ్రత 14 డిగ్రీల సెల్సియస్ ఉంటుంది. వాతావరణం అనుకూలిస్తే ఆదివారం మధ్యాహ్నం 1 గంటలకు ఇంగ్లండ్ కెప్టెన్ జోస్ బట్లర్, పాక్ కెప్టెన్ బాబర్ ఆజం టాస్ కు వస్తారు. పాక్-ఇంగ్లండ్ ఫైనల్ మ్యాచ్ భారత కాలమానం ప్రకారం మధ్యాహ్నం 1:30 గంటలకు ప్రారంభమవుతుంది.