WC 2023 మరో సంచలన రికార్డ్: ప్రపంచ కప్ లో 500 పరుగులు ఇచ్చిన బౌలర్ ఎవరో తెలుసా?

2019లో ఇంగ్లండ్ లెగ్ స్పిన్నర్ ఆదిల్ రషీద్ చేసిన 526 పరుగుల రికార్డును రవూఫ్ అధిగమించాడు. శ్రీలంక ఫాస్ట్ బౌలర్ దిల్షాన్ మధుశంక ఈ రికార్డును నెలకొల్పడానికి చాలా దగ్గరగా వచ్చాడు, 2023 ప్రపంచ కప్ లో తొమ్మిది ఇన్నింగ్స్‌లలో 525 పరుగులు సమర్పించుకున్నాడు మధుశంక. కేవలం ఒక పరుగు వెనుక నిలిచిపోయాడు. హరీస్ రవూఫ్ మాత్రం సరికొత్త రికార్డును అందుకున్నాడు. హరీస్ రవూఫ్ ఈ ప్రపంచ కప్ లో ఏకంగా 533 పరుగులు ఇచ్చి చెత్త రికార్డును తన పేరిట మూటగట్టుకున్నాడు.

ప్రపంచకప్ ఎడిషన్‌లో అత్యధిక పరుగులు ఇచ్చిన బౌలర్లు

533 - హరీస్ రౌఫ్ (పాకిస్తాన్, 2023)

526 - ఆదిల్ రషీద్ (ఇంగ్లండ్, 2019)

525 - దిల్షాన్ మధుశంక (శ్రీలంక, 2023)

502 - మిచెల్ స్టార్క్ (ఆస్ట్రేలియా, 2019)

484 - ముస్తాఫిజుర్ రెహమాన్ (బంగ్లాదేశ్, 2019)

481 - షాహీన్ అఫ్రిది (పాకిస్తాన్, 2023)

ఇంగ్లండ్ తో జరిగిన ఈ మ్యాచ్ లో హరీస్ రవూఫ్ 10 ఓవర్ల పాటూ బౌలింగ్ వేసి 64 పరుగులు ఇచ్చి 3 వికెట్లు తీసుకున్నాడు. ఈ మ్యాచ్ లో పాక్ తరపున బెస్ట్ బౌలింగ్ ప్రదర్శన ఇచ్చాడు రవూఫ్. ఈ ప్రపంచ కప్ లో 9 మ్యాచ్ లు ఆడిన రవూఫ్ 16 వికెట్లు తీశాడు.