Mahendra Singh Dhoni : అప్పుడే మైదానంలో ధోని కనిపిస్తాడట.. లేకపోతే లేదట

మహేంద్ర సింగ్ ధోనీ అన్ని ఫార్మాట్లలో రిటైర్ అయి చాలా కాలమయింది. వికెట్ కీపర్ గా ధోనీ వేగంగా కదలికలు చూసి ఇప్పటికీ ఫ్యాన్స్ పులకించి పోతుంటారు. ఇక బ్యాట్ పడితే చాలు సిక్సర్, ఫోర్లతో మోత మోగిస్తాడన్న నమ్మకం. దీంతో పాటు కెప్టెన్ గా ఉంటే చాలు ఆ జట్టు కనీసం ఫైనల్స్ కు చేరినట్లే భావిస్తారు. అలాంటి ధోని ఇప్పుడు కనిపించాలంటే కేవలం ఐపీఎల్ లోనే సాధ్యం. ఎందుకంటే మిగిలిన అన్ని ఫార్మాట్లలో రిటైర్‌మెంట్ ప్రకటించడంతో ధోనీని మైదానంలో చూడాలంటే ఒక్క ఐపీఎల్ లోనే సాధ్యం. అయితే ప్రతి ఏడాది ఐపీఎల్ జరుగుతుంది కాబట్టి ధోనిని దగ్గర నుంచి చూసే భాగ్యం కలుగుతుందని ఫ్యాన్స్ భావిస్తారు. చెన్నై సూపర్ కింగ్స్ లో ధోనీ ఆడనున్నాడు.

ఇక 2025 ఐపీఎల్ కు ధోనీ ఆడతాడా? లేదా? అన్న సందేహాలు అనేకం ఉన్నాయి. ఈ సీజన్ కు ముందు మెగా వేలం జరగనుంది. అయితే ఎంత మందిని రిటైన్ చేసుకోవాలన్న దానిపై ఇంకా స్పష్టత రాలేదు. బీసీసీఐ నిర్ణయం కోసం వెయిట్ చేస్తున్నారు. బీసీసీఐ నిర్ణయం మేరకే మహేంద్ర సింగ్ ధోనీ 2025 ఐపీఎల్ సీజన్ లో ఆడతాడా? లేదా? అన్నది తేలనుంది. బీసీసీఐ ఎంతమందిని రిటైన్ తీసుకోవాలన్న దానిపై త్వరలో నిర్ణయం తీసుకుంటుందని చెబుతున్నారు. ఒక్కో ఫ్రాంచైజీ ఐదు లేదా ఆరు ఆటగాళ్లను రిటైన్ చేసుకునే అవకాశం ఉంటేనే ధోనీ వచ్చే ఐపీఎల్ లో ఆడేందుకు ఛాన్స్ ఉంది. లేకపోతే లేదు. అందుకే ధోనీ కోసం వెయిట్ చేస్తున్న ఫ్యాన్స్ కు బీసీసీఐ నిర్ణయం ఎలా ఉంటుందోనన్న ఉత్కంఠ నెలకొంది.