Kl Rahul : వేటు తప్పదా? ఫామ్ లో లేకపోవడమే కారణమా? అందుకే అలా చేశాడా?

కేఎల్ రాహుల్ కొద్ది కాలం నుంచి ఫామ్ కోల్పోయి ఉన్నారు. ఇప్పటికే టీ 20 జట్టు నుంచి రాహుల్ దూరమయ్యాడు. ఇక కేఎల్ రాహుల్ కేవలం టెస్ట్, వన్డే మ్యాచ్ లో మాత్రమే ఆడుతున్నాడు. ఇప్పుడు టెస్ట్ మ్యాచ్‌లకు కూడా దూరమయ్యే అవకాశాలు మెండుగా కనిపిస్తున్నాయి. సర్ఫరాజ్ ఖాన్ రావడంతో పాటు పంత్ కూడా ఉండటంతో మరో ఆల్ రౌండర్ కు చోటు కల్పించడం మేలన్న అభిప్రాయం అందరి నోటా వినిపిస్తుంది. రెండో టెస్ట్‌లోనే కేఎల్ రాహుల్ ఉండకపోవచ్చు. ఎందుకంటే తొలి మ్యాచ్ లో ఓటమి పాలయిన భారత్ జట్టు రెండో మ్యాచ్ లో గెలవాలని భావిస్తుంది. గురువారం నుంచి ప్రారంభమయ్యే ఈ మ్యాచ్ లో కేఎల్ రాహుల్ ను తప్పించే అవకాశాలు మెండుగా ఉన్నాయి.

వరస వైఫల్యాలు అతనిని జట్టు నుంచి తప్పించడానికి ప్రధాన కారణమవుతాయని చెప్పక తప్పదు. కేఎల్ రాహుల్ కు క్రికెట్ లో స్టయిలిష్ బ్యాట్స్‌మెన్ గా పేరుంది. ఒకప్పుడు కేఎల్ రాహుల్ పై నమ్మకం ఉండేది. కనీస పరుగులు చేస్తారన్న విశ్వాసం ఆయన ఆటలో కనిపించేది. కేఎల్ రాహుల్ ఉన్నాడన్న ధైర్యం ఇప్పుడు టీంకు పోయింది. మేనేజ్‌మెంట్‌కు పోయింది. న్యూజిలాండ్ తో జరిగిన ఆటలో భారత్ ఓటమికి కేఎల్ రాహుల్ ది పూర్తి బాధ్యత కాకపోయినా కానీ రాహుల్ పై మాత్రం వేటు పడే అవకాశాలు కనిపిస్తున్నాయి. అతని స్థానంలో ఆల్ రౌండర్ వాషింగ్టన్ సుందర్ ను తీసుకోనున్నారు. అందుకే కేఎల్ రాహుల్ బెంగళూరు టెస్ట్ ముగిసిన తర్వాత పిచ్ ను ముద్దు పెట్టుకున్నారని అంటారు. మొత్తం మీద ఒకప్పుడు కేఎల్ రాహుల్ క్రీజులో ఉన్నాడంటే ఉండే ధైర్యం ఇప్పుడు లేకపోవడం వల్లనే ఉద్వాసన పలుకుతున్నట్లు సమాచారం.