ఇంకో షాక్.. షమీ, దీపక్ చాహర్ అవుట్

భారత్-దక్షిణాఫ్రికా జట్ల మధ్య 2 మ్యాచ్‌ల టెస్టు సిరీస్ ప్రారంభం కానుండగా.. ఈ విషయంలో టీమిండియాకి పెద్ద ఎదురుదెబ్బ తగిలింది. ఇటీవలే ముగిసిన వన్డే వరల్డ్ కప్ 2023లో అదరగొట్టిన స్టార్ పేసర్ మహ్మద్ షమీ టెస్టు సిరీస్‌కు దూరమయ్యాడు. షమీ ఫిట్‌నెస్‌పై బీసీసీఐ మెడికల్ టీమ్ క్లియరెన్స్ ఇవ్వకపోవడంతో అతడు టెస్టు సిరీస్‌కు దూరమవనున్నాడని బీసీసీఐ హానరరీ సెక్రటరీ జై షా తెలిపారు. ఫ్యామిలీ మెడికల్ ఎమర్జెన్సీ కారణంగా 3 మ్యాచ్‌ల వన్డే సిరీస్‌కు అందుబాటులో ఉండలేనని దీపక్ చాహర్ తెలియజేశాడు. అతడి స్థానంలో ఆకాష్ దీప్‌ను సెలక్షన్ కమిటీ ఎంపిక చేసిందని వివరించారు. డిసెంబర్ 26 నుంచి టెస్టు సిరీస్‌కు షురూ కానుంది.