రోహిత్ శర్మ-రాహుల్ బ్యాటింగ్ చేస్తుండగా గ్రౌండ్ లోకి వచ్చిన పాము

ఈ మ్యాచ్ లో భారత్ కు ఓపెనర్లు మంచి ఆరంభాన్ని అందించారు. వికెట్ పడకుండా పవర్ ప్లే ఆడడమే కాకుండా.. భారీ స్కోరు సాధించడానికి పునాది వేశారు. మ్యాచ్ లో ఆసక్తికరమైన చోటు చేసుకుంది. రోహిత్ శర్మ- రాహుల్ బ్యాటింగ్ చేస్తూ ఉండగా పాము గ్రౌండ్ లో కనిపించింది. దీంతో ఆటగాళ్లంతా ఒక్కసారిగా షాకయ్యారు. భారత జట్టు బ్యాటింగ్ చేస్తున్న ఏడో ఓవర్ లో పాము కనిపించింది. దీంతో మ్యాచ్ ను ఆపేశారు. గ్రౌండ్ సిబ్బంది వెంటనే రంగంలోకి దిగి పామును పట్టేసుకున్నారు. ఎవరికీ ఎటువంటి అపాయం జరగకపోవడంతో అందరూ ఊపిరి పీల్చుకున్నారు.