Bandi Sanjay vs Ponnam Prabhakar:బండి సంజయ్ వర్సెస్ పొన్నం ప్రభాకర్.. అసలేమి జరుగుతోంది?

Bandi Sanjay vs Ponnam Prabhakar:మంత్రి పొన్నం ప్రభాకర్ కు కరీంనగర్ బీజేపీ ఎంపీ బండి సంజయ్ సవాల్ విసిరారు. రాబోయే పార్లమెంట్ ఎన్నికల్లో కరీంనగర్ లో తాను ఓడిపోతే రాజకీయ సన్యాసం స్వీకరిస్తానని.. అక్కడ కాంగ్రెస్ ఓడిపోతే రాజకీయాలకు దూరం అవ్వడానికి పొన్నం రెడీనా అని సంజయ్ సవాల్ విసిరారు. తాను ఎవరిపైన వ్యక్తిగత విమర్శలు చేయలేదని.. రాముడ్ని ఎవరైనా అంటే బరాబర్ కౌంటర్ ఇస్తానని అన్నారు. కాంగ్రెస్ కార్యకర్తలను మంత్రి పొన్నం రెచ్చగొడుతున్నాడని.. హుస్నాబాద్ లో ప్రజాహిత యాత్రకు వస్తున్న స్పందన చూసి తట్టుకోలేక ఈ పనులు చేయిస్తున్నాడని సంజయ్ ఆరోపించారు. సిద్ధిపేట జిల్లా హుస్నాబాద్ నియోజకవర్గంలో బండి సంజయ్ ప్రజాహిత యాత్ర కొనసాగుతూ ఉంది. బండి సంజయ్ పాదయాత్రను అడ్డుకునేందుకు పెద్ద ఎత్తున కాంగ్రెస్ కార్యకర్తలు రావడం.. అటు బీజేపీ కార్యకర్తలు భారీగా రావడంతో పోలీసులు భారీ ఎత్తున మోహరించారు.