Kalvakuntla Kavitha : కవితకు మధ్యంతర బెయిల్ నేడు మంజూరవుతుందా? లేదా?

బీఆర్ఎస్ ఎమ్మెల్సీ కల్వకుంట్ల కవిత మధ్యంతర బెయిల్ పిటీషన్ నేడు విచారణకు రానుంది. ఢిల్లీ లిక్కర్ స్కామ్ కేసులో అరెస్టయి జ్యుడిషియల్ రిమాండ్ లో ఉన్న కవిత తనకు మధ్యంతర బెయిల్ ఇవ్వాలని కోరుతూ పిటీషన్ వేసిన సంగతి తెలిసిందే. నేడు బెయిల్ పిటీషన్ పై విచారణ జరగనుండటంతో కవితకు బెయిల్ వస్తుందా? రాదా? అన్న టెన్షన్ బీఆర్ఎస్ పార్టీ నేతల్లో ఉంది. ప్రస్తుతం కవిత తీహార్ జైలులో ఉన్నారు. ఆమె తన కుమారులకు పరీక్షలున్నాయని కాబట్టి తనకు మధ్యంతర బెయిల్ ఇవ్వాలంటూ పిటీషన్ వేశారు. ఢిల్లీ రౌస్ అవెన్యూ కోర్టులో మధ్యంతర బెయిల్ పిటీషన్ పై విచారణ జరగనుంది. ఏప్రిల్ 16వ తేదీ వరకూ తనకు బెయిల్ మంజూరు చేయాలని ఆమె పిటీషన్ లో కోరారు.