Revanth Reddy : నా బ్రాండ్ ను నేనే క్రియేట్ చేసుకున్నా

యంగ్ ఇండియా స్కూల్ ఈజ్ మై బ్రాండ్ అని రేవంత్ రెడ్డి అన్నారు. పోలీసు పిల్లల చదువులపై తమ ప్రభుత్వం ప్రధానంగా ఫోకస్ పెట్టిందన్న రేవంత్ రెడ్డి పేదలు చదువుకోవడానికి అవసరమైన మౌలిక సదుపాయాలు, ఫీజు రీఎంబర్స్ మెంట్ వంటి వాటిని తమ ప్రభుత్వం అమలు చేస్తుందని తెలిపారు. విధినిర్వహణలో పడి పోలీసులు తమ పిల్లల చదువులపై దృష్టి పెట్టలేరన్నారు. యంగ్ ఇండియా స్కూల్ లో చేరిన వారికి వంద శాతం మందికి ఉద్యోగాలు లభిస్తాయని ముఖ్యమంత్రి రేవంత్ రెడ్డి తెలిపారు. ప్రతి నియోజకవర్గంలో యంగ్ ఇండియా ప్రీ స్కూల్స్ ను ఏర్పాటు చేస్తున్నామని తెలిపారు. విద్యావిధానంలో సమూలమైన మార్పులు తెచ్చి ఉపాధి అవకాశాలు దక్కేందుకు అవకాశం కల్పిస్తామని తెలిపారు.