ధర్మంగా పనిచేస్తే.. రాష్ట్రాలు అభివృద్ధి చెందుతాయ్ : సీఎం కేసీఆర్

కేంద్ర ప్రభుత్వం ధర్మంగా, నిబద్ధతగా పనిచేస్తే.. రాష్ట్రాలు అభివృద్ధి చెందుతాయని సీఎం కేసీఆర్ అన్నారు. బుధవారం మల్లన్నసాగర్ ను ప్రారంభించి, జాతికి అంకితమిచ్చారు. అనంతరం ఏర్పాటు చేసిన సభలో సీఎం ప్రసంగిస్తూ.. దేశం దారి తప్పుతోందని, దానిని గాడిలో పెట్టాల్సిన అవసరం ఉందన్నారు. ప్రస్తుతం భారత్ లో దుర్మార్గమైన వ్యవస్థ నడుస్తోందని ఆవేదన వ్యక్తం చేశారు. కర్ణాటకలో ఇప్పుడు ఎలాంటి పరిస్థితులు నెలకొన్నాయో అందరికీ తెలిసిందేనన్న సీఎం.. ప్రశాంత వాతావరణంటే సంపద, పరిశ్రమలు, భూ సంపదలు పెరుగుతాయన్నారు. హైదరాబాద్ లోనూ మత కల్లోలాలు వస్తే పరిశ్రమలు వస్తాయా ? అని ప్రశ్నించారు.