నిర్మల్ కు కేసీఆర్.. భారీ బహిరంగ సభ

నిర్మల్ జిల్లాలో కేసీఆర్ పర్యటన నేపథ్యంలో జిల్లా కేంద్రమంగా గులాబీ రంగు పులుముకుంది. బీఆర్ఎస్ పార్టీ నేతలు కలెక్టరేట్ కు వెళ్లే దారిపొడవునా భారీ ప్లెక్సీ కటౌట్లు, హోర్డింగ్‌లను ఏర్పాటు చేశారు. మరోవైపు సీఎం పర్యటన నేపథ్యంలో 5 వేలమంది పోలీసులతో భారీ పోలీసు బందోబస్త్ ఏర్పాటు చేశారు. నలుగురు ఎస్పీలు, 12 మంది డీఎస్పీలు, 300 మంది సీఐలు, ఎస్‌ఐలు బందోబస్తును పర్యవేక్షించనున్నారు. ట్రాఫిక్ ఇబ్బందులు తలెత్తకుండా ముందు జాగ్రత్తలు చేపట్టారు. సాయంత్రం సుమారు లక్షమందితో భారీ బహిరంగ సభ జరగనుంది. ఈ నేపథ్యంలో నేతలు జనసమీకరణ పనుల్లో నిమగ్నమయ్యారు. సభకు వచ్చేవారికి రవాణా సౌకర్యం కల్పించేలా ఏర్పాట్లు చేశారు.