ఈడీ ఎదుట కవిత చెప్పిన సమాధానాలివే : ధర్మపురి అరవింద్

బీఆర్ఎస్ ఎమ్మెల్సీ కల్వకుంట్ల కవిత ఎన్‌ఫోర్స్‌మెంట్ డైరెక్టరేట్ అధికారుల విచారణకు సహకరించలేదని నిజామాబాద్ ఎంపీ ధర్మపురి అరవింద్ అన్నారు. 9 గంటల విచారణలో ఎందుకు? ఏమిటి? ఎలా? అంటూ ఈడీ అధికారులు ప్రశ్నిస్తే ఏమో.. నాకు తెలియదు.. నాకు గుర్తు లేదు.. అంటూ సమాధానమిచ్చారని అన్నారు. తనకు ఈ రకమైన సమాచారం అందిందన్నారు. కవిత ప్రమేయం లేకుంటే ఎందుకు విచారణకు సహకరించడం లేదని ప్రశ్నించారు. ముఖ్యమంత్రి కేసీఆర్ వెంటనే తన పదవికి రాజీనామా చేయాలని ఆయన డిమాండ్ చేశారు.