Eggs Attack: కోడిగుడ్లతో దాడి.. అసలు ఆ యాత్రలో ఏమి జరుగుతోంది?

Eggs Attack:బీజేపీ జాతీయ ప్రధాన కార్యదర్శి, కరీంనగర్ ఎంపీ బండి సంజయ్ ప్రజాహిత యాత్రలో ఉద్రిక్తత చోటు చేసుకుంది. హన్మకొండ జిల్లా భీమదేవరపల్లి మండలం వంగరలో ఆయన కాన్వాయ్‌పై కోడిగుడ్లతో దాడి చేశారు. వంగరలో దివంగత పీవీ నరసింహారావు ఇంటిని సందర్శించిన అనంతరం ఆయన ముల్కనూరు బయలుదేరారు. ఈ సమయంలో కొందరు వ్యక్తులు కోడిగుడ్లు విసరడంతో అవి కాన్వాయ్‌లోని మీడియా వాహనంపై పడ్డాయి. దీంతో అక్కడ ఉద్రిక్తత చోటు చేసుకుంది. తమపై కాంగ్రెస్ కార్యకర్తలు దాడి చేసే ప్రయత్నం చేసినప్పటికీ పోలీసులు పట్టించుకోకుండా ఉండిపోయారని బండి సంజయ్ ఆగ్రహం వ్యక్తం చేశారు. దాడి చేస్తే మీరు చూడటం తప్ప ఏమీ చేయడం లేదు.. పోలీసులు నాకు అవసరం లేదు, మీరు వెళ్లిపోండని బండి సంజయ్ అన్నారు. మంత్రి పొన్నం ప్రభాకర్ ఆదేశాల మేరకే కాంగ్రెస్ కార్యకర్తలు దాడులు చేస్తున్నారని బీజేపీ నాయకులు ఆరోపిస్తున్నారు.