మంచిర్యాలలో రైళ్లకు తప్పిన పెనుప్రమాదం

తాజాగా మంచిర్యాల జిల్లాలో మరో పెనుప్రమాదం తప్పింది. భారీ ఈదురుగాలులకు హైటెన్షన్ విద్యుత్ వైర్లు తెగి పట్టాల మీద పడ్డాయి. ఈ విషయాన్ని గమనించిన సిబ్బంది రైళ్లరాకపోకలను నిలిపివేయడంతో పెనుప్రమాదం తప్పింది. లేదంటే.. ఎంతమంది ప్రాణాలు పోయేవో ఊహకు కూడా అందేది కాదు. సుమారు రెండు గంటలపాటు కోర్భా, రాజధాని ఎక్స్ ప్రెస్ రైళ్లు స్టేషన్లలోనే నిలిచిపోయాయి. మంచిర్యాల - కాగజ్ నగర్ మధ్య రైళ్లరాకపోకలకు అంతరాయం ఏర్పడింది. బెల్లంపల్లి - మందమర్రి రైల్వేస్టేషన్ల మధ్య ఈ ఘటన జరిగింది. తెగిపడిన హైటెన్షన్ వైర్లను తొలగించడంతో రైళ్ల రాకపోకలు యథావిధిగా సాగుతున్నాయి.