నుమాయిష్ మూసివేత.. దిక్కుతోచని స్థితిలో వేలమంది !

పోలీసుల ఆదేశాలతో తొలుత టికెట్ బుకింగ్ కౌంటర్లను మూసివేశారు. ఆ తర్వాత స్టాల్స్ ను మూసివేసి, సందర్శకులంతా వెళ్లిపోవాల్సిందిగా మైకుల ద్వారా ప్రకటించారు. దీంతో నుమాయిష్ ను తిలకించేందుకు ఎంతో ఆనందంగా వచ్చిన వారంతా నిరాశతో వెనుదిరిగారు. కోవిడ్, ఒమిక్రాన్ ల వ్యాప్తి నేపథ్యంలో జనవరి 10వ తేదీ వరకూ రాష్ట్రంలో సామూహిక సమావేశాలు, సాంస్కృతి కార్యక్రమాలను నిషేధిస్తూ ప్రభుత్వం ఉత్తర్వులు జారీ చేసింది. ఆ ఉత్తర్వుల మేరకే నుమాయిష్ ను కూడా మూసివేయాలని సొసైటీ నిర్ణయించింది. జనవరి 10 తర్వాత పరిస్థితులను బట్టి నుమాయిష్ ను కొనసాగించాలా ? వద్దా ? అన్నదానిపై నిర్ణయం తీసుకుంటామని ఎగ్జిబిషన్ సొసైటీ కార్యదర్శి అశ్విన్ మార్గం తెలిపారు.