Telangana: ఈనెల 24 నుండి తెలంగాణ అసెంబ్లీ సమావేశాలు..!

తెలంగాణ అసెంబ్లీ సమావేశాలకు తేదీ ఖరారైంది. ఈనెల 24వ తేదీ నుంచి అసెంబ్లీ సమావేశాలు నిర్వహించేందుకు ప్రభుత్వం నిర్ణయించింది. ఈ సమావేశాలు వారం రోజుల పాటు కొనసాగనున్నట్లు తెలుస్తోంది. అయితే 23వ తేదీన కేంద్ర బడ్జెట్..రాష్ట్రానికి కేటాయింపులు బట్టి పూర్తి స్థాయిలో బడ్జెట్ ప్రవేశ పెట్టనుంది రేవంత్‌రెడ్డి ప్రభుత్వం.

అయితే ఈనెల 25 లేదా 26 న రాష్ట్ర పూర్తి స్థాయి వార్షిక బడ్జెట్ ప్రవేశ పెట్టనున్నట్లు తెలుస్తోంది. ఈ సమావేశాల సందర్భంగా రైతు భరోసా,రైతు రుణమాఫీ అంశాలపై వాడివేడిగా సమావేశాలు జరిగే అవకాశం కనిపిస్తోంది. అలాగే నూతన ఆర్‌ఓఆర్‌ యాక్ట్‌, తెలంగాణ చిహ్నం, తెలంగాణ తల్లి విగ్రహం మార్పులపై సమావేశంలో చర్చ జరిగే అవకాశం ఉంది. ఇదిలా ఉండగా, ప్రభుత్వం ప్రకటించిన 6 గ్యారంటిలపై కూడా ప్రతిపక్షాలు సమావేశంలో ప్రశ్నించే అవకాశం కనిపిస్తోంది. ఈ నేపథ్యంలో తాజాగా అసెంబ్లీలో రాష్ట్ర సిఎస్, డిజిపి పలువురు అధికారులతో మండలి చైర్మన్‌, స్పీకర్‌ భేటీ అయ్యారు.