ఆరోగ్య తెలంగాణయే ధ్యేయం : కేసీఆర్

తెలంగాణ అన్ని రంగాల్లో అభివృద్ధి చెందుతుందన్నారు. వ్యవసాయ రంగంలోనూ ప్రముఖ స్థానంలో ఉన్నామని తెలిపారు. మహబూబ్ నగర్ జిల్లాలో ఐదు మెడికల్ కళాశాలలు రావడం అభివృద్ధికి నిదర్శనం కాదా? అని ఆయన ప్రశ్నించారు. మారుమూల ప్రాంతమైన ములుగు జిల్లాలోనూ మెడికల్ కళాశాల రావడం అంటే మాటలు కాదని తెలిపారు. 34 వైద్య కళాశాలలు అంటే ఆ సంఖ్యలో వందల సంఖ్యలో ఉన్న పడకలతో ఆసుపత్రులు నిర్మించుకోవడమేనని తెలిపారు. పరిపాలన చేత కాదని వెక్కిరించిన వారికి మనమేంటో చూపించగలిగామని తెలిపారు. ప్రభుత్వ ఆసుపత్రుల్లో మెరుగైన సౌకర్యాలు కల్పిస్తున్నామని తెలిపారు.

వరంగల్ లో సూపర్ స్పెషాలిటీతో పాటు హైదరాబాద్ నగరంలో టిమ్స్ కింద నాలుగు గచ్చిబౌలి, ఆల్వాల్, ఎర్రగడ్డ ప్రాంతాల్లో ఆసుపత్రులను ఏర్పాటు చేసుకుంటున్నామని తెలిపారు. ప్రస్తుతం ఆసుపత్రులలో పడకల సంఖ్య యాభై వేలకు చేరుకోబోతున్నామని తెలిపారు. కరోనా వచ్చిన సమయంలోనూ తట్టుకునేలా వైద్య వ్యవస్థను తెలంగాణలో పటిష్టపరుస్తున్నామని చెప్పారు. 500 టన్నుల ఆక్సిజన్ ను తెలంగాణలో ఉత్పత్తి చేసుకుంటున్నామని తెలిపారు. పదివేల సూపర్ స్పెషాలిటీ బెడ్స్ కూడా అందుబాటులోకి రానున్నాయని చెప్పారు. పారా మెడికల్ సిబ్బందిని కూడా త్వరలోనే నియమిస్తామని చెప్పారు. ప్రతి చోట నర్సింగ్ కళాశాలలను ఏర్పాటు చేయమని ఆదేశించామని తెలిపారు.