నేడు జాతీయ సమైక్యత దినోత్సవం
తెలంగాణ జాతీయ సమైక్యత దినోత్సవాన్ని నేడు ప్రభుత్వం జరపనుంది. పబ్లిక్ గార్డెన్స్ లో జరిగే కార్యక్రమంలో ముఖ్యమంత్రి కేసీఆర్ పాల్గొననున్నారు
తెలంగాణ జాతీయ సమైక్యత దినోత్సవాన్ని నేడు ప్రభుత్వం జరపనుంది. పబ్లిక్ గార్డెన్స్ లో జరిగే కార్యక్రమంలో ముఖ్యమంత్రి కేసీఆర్ పాల్గొననున్నారు. ఈ సందర్భంగా ముఖ్యమంత్రి జాతీయ పతాకాన్ని ఆవిష్కరించనున్నారు. సెప్టంబరు 17న విమోచన దినోత్సవం కాకుండా సమైక్యత దినోత్సవాన్ని జరపాలని గతంలోనే రాష్ట్ర ప్రభుత్వం నిర్ణయించిన సంగతి తెలిసిందే. ఉదయం పదకొండు గంటలకు నాంపల్లిలోని పబ్లిక్ గార్డెన్స్ లో జరిగే ఈ కార్యక్రమంలో ఆయన పాల్గొంటారు.
జిల్లాల్లో మంత్రులు...
ఈ మేరకు తగిన ఏర్పాట్లు చేశారు. ప్రతి ఏటా సెప్టంబరు 17న జాతీయ సమైక్యత దినోత్సవంగా ప్రభుత్వం జరుపుతుంది. రాష్ట్ర వ్యాప్తంగా ఈ ఉత్సవాలు నిర్వహించనున్నారు. జిల్లాల్లో మంత్రులు పాల్గొని జాతీయ జెండాలను ఆవిష్కరిస్తారు. ఈ సందర్భంగా తెలంగాణ రాష్ట్రం ఏర్పడిన తర్వాత జరిగిన అభివృద్ధి, భవిష్యత్ కార్యాచరణను ముఖ్యమంత్రి కేసీఆర్ తో పాటు మంత్రులు ప్రజలకు వివరించనున్నారు.