Ponguleti : ఖరీదైన వాచ్ ల కొనుగోలు ఈడీ దాడులకు కారణమట

లగ్జరీ వాచ్ ల కొనుగోలు వ్యవహారంలోనే ఈడీ పొంగులేటి నివాసంలో సోదాలు నిర్వహించామని ఈడీ అధికారులు చెబుతున్నారు. పన్నులు చెల్లించకుండా వాచ్ లను కోట్ల రూపాయలు పెట్టి కొనుగోలు చేసిన కేసుల్లోనే ఈ సోదాలు నిర్వహించినట్లు వారు తెలిపారు. గతంలోనే ఈడీ అధికారులు పొంగులేటి కుమారుడికి ఈ విషయంలో నోటీసులు ఇచ్చారు. ఖరీదైన వాచ్ ల స్మగ్లింగ్ జరిగినట్లు ఈడీ అధికారులు నిర్ధారించారు. ఇందుకు వంద కోట్ల రూపాయలు వెచ్చించినట్లు ఈడీ అధికారులు తెలిపారు. సింగపూర్ నుంచి చెన్నై ఎయిర్ పోర్టుకు ఈ వాచ్ లు వచ్చినట్లుగా ఈడీ అధికారులు గుర్తించారు.