శాంతిస్తున్న గోదారి.. తగ్గుతున్న నీటిమట్టం

గోదావరి గతంలో ఎన్నడూ లేని విధంగా ఉప్పొంగింది. భద్రాచలం వద్ద 71.3 అడుగుల రికార్డు స్థాయిలో నీటి మట్టానికి చేరింది. దీంతో అనేక ప్రాంతాలు నీట మునిగాయి. భద్రాచలం పట్టణంలోని అనేక కాలనీలు కూడా వరద నీటితో మునిగిపోయాయి. దీంతో అధికారులు అందరినీ సురక్షిత ప్రాంతాలకు తరలించారు. ఇప్పుడిప్పుడే కొంత ముంపు ప్రాంతాలు తేరుకుంటున్నాయి. భద్రాచలం పట్టణంలో మోటార్లతో నీటిని తోడుతున్నారు. గోదావరి వరదతో ఐదారు రోజులు నీటమునగిన ప్రాంతాల్లో వ్యాధులు సంక్రమించే అవకాశముండటంతో ఆరోగ్యశాఖ అధికారులు అప్రమత్తమయ్యారు. మెడికల్ క్యాంప్ లను ఏర్పాటు చేసి ప్రజలకు అవసరమైన మందులను పంపిణీ చేస్తున్నారు.