మాజీ ఎంపీ కొత్తపల్లి గీతకు జైలు శిక్ష

అరకు మాజీ పార్లమెంటు సభ్యురాలు కొత్తపల్లి గీత కు ఎదురుదెబ్బ తగిలింది. హైదరాబాద్ సీబీఐ కోర్టు ఆమెను దోషిగా తేల్చింది. శిక్ష ఖరారు చేసింది. ఐదేళ్లు జైలు శిక్ష, లక్ష రూపాయల జరిమానాను విధించింది. బెంగళూరు బ్యాంకింగ్ ఫ్రాడ్ అండ్ సెక్యూరిటీస్ సెల్ కేసు నమోదు చేసింది. దోషిగా ఆమెను నిర్ధారించడంతో ఆమెను జైలుకు తరలించనున్నారు. కొత్తపల్లి గీత, ఆమె భర్త పీఆర్కే రావులు పంజాబ్ నేషనల్ బ్యాంకు నుంచి దాదాపు 42 కోట్ల రుణం తీసుకున్నారు. 2015లో ఈ కేసుకు సంబంధించి సీీబీఐ ఛార్జిషీట్ దాఖలు చేసింది.