మల్లన్నసాగర్ ను జాతికి అంకితమిచ్చిన సీఎం కేసీఆర్

ఎన్ని కేసులు పెట్టినా.. ఇంజినీర్లు భయపడకుండా పనిచేయడాన్ని కేసీఆర్ అభినందించారు. హైదరాబాద్ కు మంచినీటి సమస్యను తీర్చిన సింగూరు ప్రాజెక్టును తలదన్నేలా మల్లన్న ప్రాజెక్టును రూపొందించడం జరిగిందని కేసీఆర్ వివరించారు. 20 లక్షల ఎకరాలను తన కడుపులో పెట్టుకుని కాపాడుకొనే ప్రాజెక్టు మల్లన్న సాగర్ ప్రాజెక్టు అని తెలిపారు. మల్లన్న సాగర్ వద్ద రూ. 100 కోట్లతో ఇరిగేషన్ కాంప్లెక్స్ వెంటనే ప్రారంభించాలని, ఇందుకు చర్యలు తీసుకోవాలని అధికారులకు సూచించారు. అలాగే కలర్ ఫౌంటేన్ ను కూడా ఏర్పాటు చేయాలని ఆదేశించారు. మున్ముందు మల్లన్నసాగర్ పర్యాటక ప్రాంతంగా అభివృద్ధి చెందుతుందని సీఎం కేసీఆర్ తెలిపారు.