బాబుపై కాంగ్రెస్ రుస..రుస..!!

తెలంగాణ కాంగ్రెస్ నేతలు ఇప్పుడు ఏపీ ముఖ్యమంత్రి చంద్రబాబునాయుడి తీరును తప్పుపడుతున్నారు. పోలవరంతో తెలంగాణకు నష్టంలేదన్న చంద్రబాబు మాటలు తాము నమ్మడం లేదని ఎమ్మెల్సీ, సీనియర్ కాంగ్రెస్ నేత పొంగులేటి సుధాకర్ రెడ్డి అన్నారు. పోలవరంతో భద్రాద్రి మునిగిపోయే ప్రమాదముందన్న ఆందోళన వ్యక్తం చేశారు. దీనిపై తెలంగాణ ప్రభుత్వం సుప్రీంకోర్టులో అఫడవిట్ వేయాలని పొంగులేటి డిమాండ్ చేశారు. ఇటు కేసీఆర్ కూడా రాష్ట్ర పునర్విభజన హామీలు అమలు చేయాలని కేంద్రాన్ని డిమాండ్ చేయకుండా తాత్సారం చేస్తున్నారన్నారు. అఖిలపక్షాన్ని ప్రధాని వద్దకు తీసుకెళ్తానన్న కేసీఆర్ మాట తప్పారని సుధాకర్ రెడ్డి అన్నారు.