బ్రేకింగ్ : జగన్ సమక్షంలో కండువా కప్పుకుని

దేవినేని అవినాష్ వైఎస్సార్ కాంగ్రెస్ పార్టీలో చేరారు. కొద్దిసేపటి క్రితం వైసీపీ అధినేత, ముఖ్యమంత్రి జగన్ సమక్షంలో దేవినేని అవినాష్ వైసీపీ లో చేరారు. దేవినేని అవినాష్ ను జగన్ పార్టీలోకి సాదరంగా ఆహ్వానించారు. కండువా కప్పారు. ఈ సందర్భంగా దేవినేని అవినాష్ టీడీపీ కృష్ణా జిల్లాలో సమర్థమైన నాయకులను వినియోగించుకోలేకపోయిందన్నారు. తాను ఓటమి పాలయినా గుండెధైర్యంతో పార్టీని ముందుకు తీసుకెళ్తామనుకున్నానని, అయితే టీడీపీ తమ లాంటి నాయకులను వినియోగించుకోవడంలో విఫలమయిందన్నారు. కార్యకర్తలకు సముచితమైన స్థానం కల్పించాలని చంద్రబాబును కోరినా పట్టించుకోవలేదన్నారు. కొందరు స్థానిక నేతలు కుట్రలు చేస్తున్నా అధిష్టానం పట్టించుకోలేదన్నారు. పార్టీలో చేరిన నాటి నుంచి తాను నిబద్ధతతో పనిచేసినా గుర్తించలేదని తెలిపారు.