గుండెపోటుతో షేన్ వార్న్ మృతి
ఆస్ట్రేలియా మాజీ క్రికెటర్ షేన్ వార్న్ కన్నుమూశారు. 52 ఏళ్ల షేన్ వార్న్ గుండెపోటుతో మరణించారు.
ఆస్ట్రేలియా మాజీ క్రికెటర్ షేన్ వార్న్ కన్నుమూశారు. 52 ఏళ్ల షేన్ వార్న్ గుండెపోటుతో మరణించారు. థాయ్ లాండ్ లో షేన్ వార్న్ మృతి చెందినట్లు ధృవీకరించారు. స్పిన్ మాంత్రికుడిగా క్రికెట్ షేన్ వార్న్ కు పేరుంది. షేన్ వార్న్ బౌలింగ్ కు మేటి క్రికెటర్లు సయితం తడబడే వారు. స్పిన్ మాంత్రికుడిగా పేరున్న షేన్ వార్న్ మృతి చెందడం క్రికెట్ లోకాన్ని శోకసంద్రంలో ముంచివేసింది.
స్పిన్నర్ గా.....
షేన్ వార్న్ ఆస్ట్రేలియా తరుపున అనేక అంతర్జాతీయ మ్యాచ్ లు ఆడారు. 145 టెస్ట్ మ్యాచ్ లు ఆడిన షేన్ వార్న్ 708 వికెట్లు తీసుకున్నారు. ఒక ఇన్నింగ్స్ లో అత్యధికంగా ఎనిమిది వికెట్లు, ఒక మ్యాచ్ లో 12 వికెట్లు తీసి రికార్డు సృష్టించారు. బ్యాట్స్ మెన్ గా కూడా షేన్ వార్న్ రాణించారు. 3,154 పరుగులు చేశారు. దాదాపు దశాబ్దన్నరం పాటు షేన్ వార్న్ క్రికెట్ మైదానంలో స్పిన్నర్ గా రాణించారు.