కోడెలతో మాట్లాడిన చివరి వ్యక్తి ఎవరు?

మాజీ స్పీకర్ కోడెల శివప్రసాద్ ఆత్మహత్యకు గల కారణాలపై తెలంగాణ పోలీసులు విచారిస్తున్నారు. ఆయన ఆత్మహత్యను అనుమానాస్పదగా తొలుత కేసు నమోదు చేసిన పోలీసులు అన్ని రకాలుగా పరిశోధన చేస్తున్నారు. కోడెల శివప్రసాద్ బెడ్ రూంలో ఏదైనా ఆధారాలు లభిస్తాయోమోనని చూశారు. ఆయన బెడ్ రూంలో ఎటువంటి సూసైడ్ నోట్ లభ్యం కాలేదు. ఆయన బెడ్ రూంను పోలీసులు తమ అధీనంలోకి తీసుకున్నారు. అలాగే కోడెల శివప్రసాద్ నిన్న ఉదయం ఆత్మహత్యకు పాల్పడే ముందు ఎవరెవరితో మాట్లాడారన్న దానిపై పోలీసులు ఆరా తీస్తున్నారు. నిన్న ఉదయం 8గంటల ప్రాంతంలో ఒక వ్యక్తితో దాదాపు 20 నిమిషాలు మాట్లాడినట్లు పోలీసులు గుర్తించారు. దీంతో ఆ వ్యక్తి ఎవరు అన్న దానిపై ఆరా తీస్తున్నారు. కోడెల శివప్రసాద్ ఇన్ కమింట్, అవుట్ గోయింగ్ కాల్స్ ను పోలీసులు పరిశీలిస్తున్నారు.