మెక్ డొనాల్డ్స్ కూల్ డ్రింక్ లో బల్లి.. వీడియో వైరల్

కూల్ డ్రింక్‌లో చనిపోయిన బల్లి కనిపించడంతో అహ్మదాబాద్‌లోని సైన్స్ సిటీ రోడ్‌లోని మెక్‌డొనాల్డ్స్ అవుట్‌లెట్‌ను అహ్మదాబాద్ మున్సిపల్ కార్పొరేషన్ (AMC) సీల్ చేసింది. ఇద్దరు వ్యక్తులు మెక్‌డొనాల్డ్స్‌లో కోక్ తాగుతుండగా, వారి డ్రింక్‌లో బల్లి కనిపించింది. కస్టమర్లలో ఒకరైన భార్గవ జోషి దీనికి సంబంధించిన వీడియోను ట్విట్టర్‌లో పోస్ట్ చేశారు. దాని గురించి మెక్‌డొనాల్డ్ మేనేజర్‌కు ఫిర్యాదు చేశారని, అయితే అతను పెద్దగా పట్టించుకోలేదని విమర్శించారు. డ్రింక్ కొన్నారు కదా.. అందుకు చెల్లించిన డబ్బు మాత్రమే తిరిగి ఇవ్వబడుతుందని మేనేజర్ చెప్పినట్లుగా కస్టమర్ ఆరోపించాడు. ఆ వీడియో వెంటనే సోషల్ మీడియాలో వైరల్‌గా మారింది. దీంతో అహ్మదాబాద్ మున్సిపల్ కార్పొరేషన్ చర్యలకు దిగింది. ఆ రెస్టారెంట్ ను తనిఖీ చేసిన తర్వాత, వారు అవుట్‌లెట్‌కు సీలు వేశారు. కూల్ డ్రింక్ శాంపిల్ తీసుకుని పబ్లిక్ హెల్త్ లేబొరేటరీకి పంపించారు.