Weather Report : ఇదేమి వింతరా నాయనా.. ఎండ.. వర్షంతో ఇంకా ఎన్నాళ్లు?

ఆంధ్రప్రదేశ్ లో నేడు కూడా వర్షం కురిసే అవకాశముందని వాతావరణ శాఖ తెలిపింది. అయితే అదే సమయంలో ఎండల తీవ్రత కూడా ఎక్కువగా ఉంటుందని వాతావరణ శాఖ చెబుతుంది. రాజస్థాన్ నుంచి కోస్తాంధ్ర వరకూ ఉపరితల ద్రోణి విస్తరించడంతో ఈరోజు కూడా కోస్తాంధ్ర, రాయలసీమలోని పలు జిల్లాల్లో వర్షం పడే అవకాశముందని వాతావరణ శాఖ అధికారులు తెలిపారు. అయితే తేలికపాటి వర్షాలు పడతాయని, అదే సమయంలో ఈదురుగాలులు బలంగా వీస్తాయని కూడా వాతావరణ శాఖ అధికారులు తెలిపారు. అక్కడక్కడ పిడుగులు పడే అవకాశముందని, రైతులు జాగ్రత్తగా ఉండాలని ఏపీ విపత్తుల నిర్వహణ సంస్థ హెచ్చరికలు జారీ చేసింది.