టీటీడీ వ్యవహారాన్ని గవర్నర్ దృష్టికి తీసుకెళ్తాం

తిరుమల తిరుపతి దేవస్థానం స్వయంప్రతిపత్తి సంస్థగా ఉండాలని టీడీపీ సీనియర్ నేత, పీఏసీ ఛైర్మన్ పయ్యావుల కేశవ్ కోరారు. టీటీడీని పీఏసీ పరిధిలోకి తీసుకురావాలన్న ప్రభుత్వ నిర్ణయాన్ని పయ్యావుల కేశవ్ తప్పుపట్టారు. ప్రభుత్వ జోక్యం అందులో ఉండకూడదని ఆయన అన్నారు. ఈ మేరకు పబ్లిక్ అకౌంట్స్ కమిటీ తీసుకున్న నిర్ణయాలను గవర్నర్ విశ్వభూషణ్ హరిచందన్ కు తెలియజేస్తామని పయ్యావుల కేశవ్ తెలిపారు. టీటీడీని ధార్మిక సంస్థగా చూస్తూ ప్రభుత్వ పెత్తనం లేకుండా చేయాలన్నది తమ సిఫార్సు అని పయ్యావుల కేశవ్ తెలిపారు.