రాష్ట్రపతిని కలసిన సుజనా

మాజీ కేంద్ర మంత్రి సుజనా చౌదరి రాష్ట్రపతి రామ్ నాధ్ కోవింద్ ను కలిశారు. హైదరాబాద్ లో శీతాకాల విడిది కోసం విచ్చేసిన రాష్ట్రపతిని కలసిన సుజనా చౌదరి ఏపీలో మూడు రాజధానుల అంశాన్ని ఆయన దృష్టికి తీసుకెళ్లారు. కేవలం రాజకీయ కారణాలతోనే అమరావతి నుంచి రాజధానిని ఏపీ ప్రభుత్వం తరలిస్తుందని, దీనిపై చర్యలు తీసుకోవాలని సుజనా చౌదరి కోరారు. అంతేకాకుండా తనకు రాజధాని అమరావతిలో భూములు ఉన్నట్లు తప్పుడు ప్రచారం చేస్తున్నారన్నారు. తాను ఎన్నిసార్లు ఖండించినా పదే పదే అవే వ్యాఖ్యలు చేయడమేంటని ప్రశ్నించారు. గత ఏడు నెలలుగా ప్రభుత్వం కక్ష సాధింపు చర్యలకే ప్రాధాన్యత ఇస్తుందని అభివృద్ధిని పూర్తిగా పక్కన పెట్టేసిందని సుజనా చౌదరి ఆరోపించారు.