బ్రేకింగ్ : బీసీనే కాని బలహీనుడిని కాను

తాను చాలా ఓపికతో ఉన్నానని, సభ్యులు ఎంత గందరగోళం సృష్టిస్తున్నా తాను సంయమనంతోనే ఉన్నానని స్పీకర్ తమ్మినేని సీతారాం చెప్పారు. టీడీపీ సభ్యులు సభలో గొడవలు చేయాలనే ముందస్తు ప్లాన్ తో వచ్చారన్నారు. మాట్లాడేందుకు అవకాశం ఇస్తానన్నా వారికి వినే ఓపిక లేదని తమ్మినేని సీతారాం అభిప్రాయపడ్డారు. పదే పదే విజ్ఞప్తి చేసినా టీడీపీ ఎమ్మెల్యేలు వినలేదన్నారు. తాను బలహీనవర్గానికి చెందిన వాడినే కాని బలహీనుడిని కానని చెప్పారు. ఈ సంగతి ప్రతిపక్ష నేతకు తెలుసునన్నారు. ఈరోజు జరిగిన పరిణామాలపై ఎథిక్స్ కమిటీకి ఇస్తున్నామని తమ్మినేని సీతారాం తెలిపారు. వీలయినంత త్వరగా విచారణ జరిపి నివేదిక ఇవ్వాలన్నారు. తనపై నిందలు వేస్తూ టీడీపీ సభ్యులు వాకౌట్ చేయడంపై తమ్మినేని సీతారాం ఆవేదన చెందారు.