బాబు మళ్లీ పుంజుకుంటారు

టీడీపీ అధినేత చంద్రబాబునాయుడు తిరిగి పుంజుకునే అవకాశముందని మాజీ పార్లమెంటు సభ్యుడు ఉండవల్లి అరుణ‌్ కుమార్ అభిప్రాయపడ్డారు. తెలుగుదేశం పార్టీకి గ్రామాల్లో పటిష్టమైన క్యాడర్ ఉందన్నారు ఉండవల్లి. వైసీపీ ఇంకా గ్రామస్థాయిలో బలపడలేదని ఉండవల్లి తెలిపారు. గత ఎన్నికల్లో జగన్ ఇమేజ్, వైఎస్ పేరుతోనే వైసీపీ గెలిచిందని ఉండవల్లి తెలిపారు. ఆయన ఒక టీవీ ఛానల్ కు ఇచ్చిన ఇంటర్వ్యూలో ఈ విషయాలను తెలిపారు. స్థానిక సంస్థల ఎన్నికల్లో చంద్రబాబు తిరిగి పుంజుకునే అవకాశాలున్నాయన్నది తన వ్యక్తిగత అభిప్రాయమన్నారు. జగన్ గెలవడం తనకు వ్యక్తిగతంగా ఆనందమేనని ఆయన తెలిపారు. అసెంబ్లీ ఎన్నికల్లో వైసీపీకి ఇన్ని సీట్లు వచ్చినప్పటికీ, స్థానికసంస్థల ఎన్నికల్లో టీడీపీ గెలిచే అవకాశాలున్నాయన్నారు ఉండవల్లి అరుణ్ కుమార్.