Fact Check:کیمبرج یونیورسٹی میں راہل گاندھی کے نام کی تختی پر اُن کا نام’راہل راجیو فیروز‘ نہیں تھا

راہل گاندھی کو برطانیہ میں کیمبرج یونیورسٹی کی انتظامیہ نے ’لرننگ ٹو لیسن اِن دی 21 سنچری‘ موضوع پر طلبہ سے خطاب کے لیے مدعو کیا تھا۔

کانگریس لیڈر راہول گاندھی کی ایک تصویر جس پر نام ’راہل راجیو فیروز‘ ہے سوشل میڈیا پر گردش کر رہا ہے۔ پوسٹ میں دعویٰ کیا گیا ہے کہ جب راہول گاندھی نے کیمبرج یونیورسٹی کا دورہ کیا اور ایک تقریب میں تقریر کی تو ان کے نام کی تختی پر ’راہل راجیو فیروز، آلو سے سونا نکالنے کے ماہر، وائناد، کیرالہ‘ دکھایا گیا تھا۔

گردش کررہی اس تصویر کے ساتھ تلگو کیپشن ہے: ’ “వీడీ నిజ స్వరూపం...ఫిరోజ్ ఖాన్ పుత్ర రత్నం. కేంబ్రిడ్జి యూనివర్సిటీ వారు క్లారిటీగానే ఉన్నారు, మనమే పంటిత్ అని గాంధీ అని జోకుతున్నాం”

https://www.facebook.com/photo/?fbid=1821433531584575

فیکٹ چیک:

دعویٰ غلط ہے۔ تصویر کے ساتھ چھیڑ چھاڑ کی گئی ہے۔

جب ہم نے گوگل ریورس امیج کی مدد سے اس وائرل تصویر کی چھان بین کی، تو ہمیں کچھ خبروں کے مضامین ملے جنہوں نے ان میں وائرل تصویر جیسی ہی تصویر شائع کی۔ ABP Live.com پر شائع ہونے والی رپورٹ جس میں مارچ 2023 میں شائع ہونے والے ’لرننگ ٹو لیسن اِن دی 21 سنچری‘کے عنوان پر راہل گاندھی کے دیے گئے لیکچر کا تذکرہ کیا گیا ہے، اس وائرل تصویر کو شیئر کیا گیا ہے لیکن نام کی تختی پر کچھ بھی نہیں لکھا گیا ہے۔

ٹوئٹر یوزر سیم پیترودہ نے بھی یہ تصویر اس کیپشن کے ساتھ شیئر کی ہے کہ’ کچھ تصاویر @CambridgeMBA کے دوران @RahulGandhi کے لیکچر کے دوران کی ہیں جہاں انہیں @CambridgeJBS یونیورسٹی کی جانب سے ’لرننگ ٹو لیسن اِن دی 21 سنچری‘ پر خطاب کے لیے مدعو کیا گیا تھا۔ #BharatJodoYatra #RahulGandhiinCambridge

راہل گاندھی کے کیمبرج یونیورسٹی کے دورے کی رپورٹس کے ذریعے اس تصویر کو نیوز 18 اور ای ٹی وی بھارت میں شیئر کیا گیا تھا۔

اس لیے جو تصویر شیئر کی گئی ہے وہ مورف شدہ (چھیڑ چھاڑ کی گئی) ہے اور نام کی تختی پر نظر آنے والے متن کو نیوز رپورٹس میں شیئر کی گئی اصل تصویر میں جوڑا گیا ہے۔ کیمبرج یونیورسٹی نے اُن کا نام ’راہل راجیو فیروز، آلو سے سونا نکالنے کے ماہر،وائناڈ، کیرالا‘ نہیں لکھا ہے۔ یہ دعویٰ غلط ہے۔