జైలులో వాకింగ్.. యోగా

ఆయన తెల్లవారు జామున ఐదు గంటలకు లేచి జైలు ప్రాంగణంలో వాకింగ్ చేశారు. ఆయన వెంట ఐదుగురు భద్రత సిబ్బందితో ఆయన వాకింగ్ చేసినట్లు చెబుతున్నారు. దాదాపు అరగంట సేపు వాకింగ్ చేసిన తర్వాత చంద్రబాబు యోగా కూడా చేసి తర్వాత ఆయన తన గదిలోకి వెళ్లారని జైలు అధికారులు మీడియాకు తెలిపారు.

తొలి రోజు కొంత అసహనంగా ఉన్న చంద్రబాబు ఈరోజు మాత్రం తెల్లవారు జామునే నిద్రలేచారు. రాత్రి కూడా తొందరగానే పడుకుని వేకువ జామున లేచి రోజువారీ తన కార్యక్రమాలను ప్రారంభించారు. యోగా చేసిన వెంటనే తన గదికి వచ్చిన వివిధ పత్రికలను ఆయన చదివారని అంటున్నారు. దీంతో పాటు బ్రేక్ ఫాస్ట్ కూడా ఎప్పటిలాగే ఉదయాన్నే చేసినట్లు, ఇంటి నుంచి తీసుకు వచ్చిన అల్పాహారాన్ని తిని చంద్రబాబు రెస్ట్ తీసుకుంటున్నట్లు సిబ్బంది తెలిపారు. ఈరోజు చంద్రబాబు కుటుంబ సభ్యులు ఆయనతో జైలులో ములాఖత్ కానున్నారు. సాయంత్రం నాలుగు గంటలకు వారి ములాఖత్ ఖరారయింది. ఈరోజు చంద్రబాబు హౌస్ కస్టడీ పిటీషన్ పై తీర్పు వెలువడనుంది.