అరెస్ట్ చేస్తే ఇంత రాద్ధాంతమా? : సజ్జల

2015 ఫిబ్రవరిలో స్కిల్ డెవలెప్‌మెంట్ కార్పొరేషన్ గా మార్చారన్నారు.చిన్న కార్పొరేషన్ ఎండీకి ఎందుకు లింక్ చేశారన్నారు.యువత పేరు చెప్పి కోట్లు దోచుకున్నారన్న ఆయన గోబెల్స్ ప్రచారం చేస్తే తప్పులు ఒప్పులు కావని ఆయన అభిప్రాయపడ్డారు. సానుభూతి కోసం పాకులాడుతున్నారన్న సజ్జల 2019 ఏప్రిల్ లోనే సీమెన్స్ కంపెనీ ఇన్విస్టిగేషన్ రిపోర్టు ఇచ్చిందన్నారు. ఏమీ లేని దానికి ఎందుకు అరెస్ట్ చేస్తారన్నారు. వ్యవస్థలను ఇన్నాళ్లూ మేనేజ్ చేసుకుంటూ వచ్చిన ఆయన ఎవరు ఏమి చేస్తారన్న ఆత్మవిశ్వాసంతో ఉన్నారన్నారు సజ్జల. ఇందులో సీరియస్ క్రైమ్ జరిగిందన్నారు. దోచుకోవడానికే ఈ స్కీమ్ ను పెట్టారన్నారు.

చంద్రబాబు అరెస్ట్ లో ఎటువంటి రాజకీయ కోణం లేదని సజ్జల రామకృష్ణారెడ్డి తెలిపారు. 371 కోట్ల ప్రజాధనాన్ని నేరుగా పంపి దానిని షెల్ కంపెనీల ద్వారా చంద్రబాబుకు చేరడాన్ని ఎవరు సమర్థిస్తారని ఆయన నిలదీశారు. విచారణలో కూడా చంద్రబాబు సహకరించకపోవడం అందువల్లనేనని సజ్జల అభిప్రాయపడ్డారు. కేంద్ర దర్యాప్తు సంస్థలు కూడా నేరం జరిగిందని తెలిపాయన్న విషయాన్ని ఈ సందర్భంగా గుర్తు చేశారు. ఈ కేసులో అన్నీ ప్రశ్నలకు సమాధానాలున్నాయని ఆయన అన్నారు. చంద్రబాబు అరెస్ట్ లో ఎలాంటి తప్పు జరగలేదన్నారు. అవినీతి జరగబట్టే ఆయనను సీఐడీ అధికారులు అరెస్ట్ చేశారని సజ్జల రామకృష్ణారెడ్డి అన్నారు.