ఠారెత్తిస్తున్న టెన్త్ రిజల్ట్.. ట్వీట్ల యుద్ధం

టెన్త్ పరీక్ష ఫలితాలపై టీడీపీ, వైసీపీల మధ్య మాటల యుద్ధం మొదలయింది. ట్విటర్ వేదికగా ఒకరిపై ఒకరు నిందించుకుంటున్నారు. ఏపీలో నిన్న టెన్త్ పరీక్ష ఫలితాలు విడుదలయ్యాయి. 62.76 శాతం విద్యార్థులు మాత్రమే ఉత్తీర్ణులయ్యారు. మొత్తం 6.26 లక్షల మంది పరీక్షలు రాస్తే 4.14 లక్షల మంది మాత్రమే ఉత్తీర్ణులయ్యారు. టెన్త్ ఫలితాలపై విజయసాయిరెడ్డి ట్విట్టర్ లో స్పందించారు. "కలెక్టర్లకు టార్గెట్లు పెట్టి పిల్లలు ఫెయిలయితే చర్యలు తీసుకుంటామని బెదిరిెంచిందెవరు? కిందిస్థాయి నుంచి పై వరకూ పర్సంటేజీని పెంచడానికి ఏం చేశారో తెలియదా? మీ అండదండలున్న కార్పొరేట్ సంస్థలలో చదివే పిల్లలు ఆలిండియా ర్యాంకర్లాయె. ఇప్పుడా ర్యాంకులు తగ్గయాయని ఏడుపా బాబు" అని విజయసాయి రెడ్డి ట్వీట్ చేశారు.