వారికి అచ్చెన్న వార్నింగ్

అధికారులపై తెలుగుదేశం పార్టీ అధ్యక్షుడు అచ్చెన్నాయుడు ఆగ్రహం వ్యక్తం చేశారు. నేరాలను అడ్డుకోవాల్సిన అధికారులే నేరాలు చేస్తున్నారన్నారు. తమ పార్టీ వారిపై అక్రమ కేసులు బనాయించడం, తర్వాత ఎదుటి పార్టీ వారికి గాయాలు లేకున్నా తీవ్ర గాయాలు అంటూ ఇవ్వడం వైద్యులు నివేదిక ఇవ్వడం పరిపాటిగా మారిందన్నారు. కొందరు వైద్యాధికారులు ఈ రకమైన నేరాలకు పాల్పడుతున్నారన్నారు. మూడేళ్లుగా టీడీపీ కార్యకర్తలపై ఎస్సీ, ఎస్టీ అట్రాసిటీ కేసులను ఇష్టానుసారంగా ప్రయోగించారన్నారు. వైసీపీ నేతలు, పోలీసులు, వైద్యులు ఒక మాఫియాగా ఏర్పడ్డారని అచ్చెన్న మండి పడ్డారు.